【土瓜灣好 Chill 西餐廳】🎄聖誕聚會好地點自從屯馬線開通，同屋企人聚餐就有更多地方選擇～被 CINCIN 開揚而有格調嘅裝修吸引😍，食物亦非常有水準，屋企人好滿意我嘅安排😌！ Lunch Set 都好多選擇，由意粉、Pizza、all day breakfast 到魚、豬、牛等都有，一定有你想食嘅嘢🥰 今次食大餐！湜澄媽每樣都試晒🤰🏻🤤，立即送上食評～ 🥩 美國頂級 #安格斯西冷扒 配 烤時令蔬菜，配紅酒汁： 擺盤有心思，西冷嗌 7 成熟，內裡夠熟，仍帶淡淡吸引嘅粉紅色，牛味濃郁🐮，保持到肉汁唔乾，肉質軟且緊密，有咬口但唔會韌，10 oz 都唔夠喉🤤。 🍕 #鮮黑松露野菌薄餅： 鋪滿密密麻麻嘅磨菇🍄同芝士🧀 交纏，仲有一片片鮮黑松露，勁足料，勁香黑松露香氣！脆卜卜餅底，磨菇帶點濕潤，就算一個人食一整個都唔會覺得膩😁。 🍔 #美國安格斯芝士牛肉漢堡 配 秘制燒烤醬 伴 炸薯條， 田園沙律 ：有小朋友，梗係要有漢堡同薯仔🍟！塊安格斯牛肉漢堡好厚仲好 juicy，肉香味噴噴😋！輕烘過嘅麵包夾埋溶化中嘅芝士、生菜＆蕃茄，層次豐富！上枱時已經分成四份，食得好方便🤗。 🍳 #CINCIN_All_Day_Breakfast：用餐盤上，好有格式❤️。 班尼迪蛋用黑松露汁，冇荷蘭汁咁漏，而且香氣四溢。呢個全日早餐包羅萬有，巴馬火腿薄脆，煙三文魚，車打芝士腸，炒野菌，田園沙律🥗，小蕃茄，時令鮮果，牛角包🥐。唔知想食乜嘅時候，我就會嗌 all day breakfast 滿足貪心嘅胃口😆。 🐙 #香烤小墨魚 配 #青豆意大利飯：小清新嘅意大利飯，小墨魚都幾大隻，爽口彈牙，意大利飯硬度適中，有咬口。綠色嘅飯上面有一朶花🌱，有心思嘅設計🥰。 🍹 Lunch Set 有跟飲品，強烈推介大家 -- 蘋果汁 🍎！唔係糖漿開水，味道似日本蘋果汁，濃郁，香甜，好好飲！ 🎄已經預早 book 好下次再去食晚餐😍，好期待 CINCIN 嘅聖誕菜單呀！👨🏻🍳 CINCIN Bistro IG https://instagram.com/cincinbistro
