「藝術源自生活」這是小部份人對藝術的定義，大部份人表示：「藝術嘅嘢我識條鐵咩？」 如果這樣說：「藝術源自食飽了飯，拉完屎，無事做的生活。」雖然有點粗俗，但大眾都會明白啊：「哦！藝術源自生活？就是食飽了飯，拉完屎，無事做......」:) 話說某FB專頁分享了一張在灣仔某間餐廳內拍攝的照片，相中可見一張罐頭豆豉鯪魚的包裝紙，被裱在畫框中，掛在牆上。 來源：「豬屎新聞」 你話似唔似「藝術品」先？網民表示「藝術嘅嘢我識條鐵咩？」，那！那！那！如果下下都咁講，就實在太過「Too Simple Sometimes Naive！」 藝術源自對生活的包裝！ 「豆豉鯪魚」的包裝紙絕對有資格問鼎藝術品呢個寶座，只需要包裝下......無錯啦！裱在畫框中就係最簡單又直接的藝術品包裝。 千祈唔好以為我係到講笑，普普藝術大師 Andy Warhol 的名作「金寶湯罐頭」繪畫，近日在美國密蘇里州Springfield美術館的展出遭到爆竊，一組十張的作品，其中七張就被人偷走，FBI 仲懸紅 2.5 萬美元追尋畫作下落。 「金寶湯罐頭」可以成為藝術品，點解「豆豉鯪魚」唔得先？都可以，只不過「金寶湯罐頭」這件藝術品會被人偷，而「豆豉鯪魚」這件藝術品會被人笑。
