呢間位於尖沙咀嘅「人生有限杯」串燒店，店名玩味十足，食物質素亦冇令人失望！呢到嘅串燒款式種類多，肉類、海鮮、蔬菜應有盡有，仲有唔少特色燒物。整體串燒火候精準，調味恰到好處。 香燒翠玉瓜燒到爽脆多汁，面頭嘅孜然粉夠晒惹味。蜜糖燒菠蘿甜中帶焦香，酸酸甜甜，非常開胃。 豚肉荔枝卷外層嘅豚肉燒到微脆，咬落去荔枝爆汁，好驚喜！免治雞肉棒腍嫩有肉感，蘸埋日本蛋黃味道就更加濃郁。 芝士菠菜卷用豚肉燒住芝士同菠菜一齊燒，芝香滿溢。芝士年糕外脆內軟糯，做到拉芝效果。 焦糖菠蘿鵝肝醬多士（兩件）非常有特色，一啖咬落去先係香甜焦糖，跟住有多汁菠蘿，再有軟滑香濃鵝肝，最後係香脆多士，超級邪惡。 海鮮方面，蒜蓉欖角燒蟶子鮮甜彈牙，面頭嘅蒜蓉欖角簡直係畫龍點睛。蒜蓉燒蠔（兩隻）水嫩juicy，同蒜蓉菜脯燒元貝（兩隻）一樣都大大隻，鮮味十足！ 山椒鰻魚汁燒白鱔燒到皮脆肉嫩，好香口。 另外我哋仲叫咗墨魚滑+紫菜+大蝦，擺碟非常精美，墨魚滑加埋大蝦爽口彈牙，用紫菜卷住去炸，好食！ 最後叫埋港式蜜糖多士夾雪糕做甜品，冰火口感超正，再飲杯清新嘅桔仔薄荷梳打，完美平衡返濃味嘅串燒。 。。人生有限杯.串燒店 (尖沙咀)尖沙咀赫德道4號Hotel Hart 3樓。。。#香港探店 #香港美食 #居酒屋美食 #香港 #现吃现烤味道更好 #声色炙味小厨大作 #舌尖上的火焰 #烧鸟爱好者 #深夜食堂 #日本料理 #香港餐廳 #香港生活 #生活美食探索 #香港必吃 #香港旅行 #沉浸式日式美食 #尖沙咀餐廳 #烧肉 #海鲜烧烤 #尖沙咀 #尖沙咀美食 #手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood
