放工同同事兩個人去食燒肉，同事想食高質嘅就嚟咗D2 Place呢間銀座炎蔵。見到有個花特盛($998)有齊和牛拼盤、海鮮、豬同雞非常吸引，個拼盤本身可以俾3-4人share，我哋兩個人唔加其他嘢食就覺得啱啱好。個拼盤仲會送每人一客沙律先清一清腸胃。 和牛六點拼盤先講入面個和牛拼盤，有6個和牛嘅唔同部位，每款嘅油花分佈、肉質、味道都有唔同，整體嚟講都非常高質，肉質腍嫩。 鞍下同貝身兩款油脂同肉嘅比例平均，上後腰脊肉同龜之甲肉嘅比例較高肉味較濃，笹身同羽下兩款就較多油花食落更腍更多油香。 夢之大地豚三味另外有3款北海道夢之大地豚肉，包括豚頸肉、豚里肌同豚肋肉，豚肉好嫩，一d都唔會好乾。日本產雞肉三味而雞方面就有雞胸、雞腿肉同比較少見肉質爽彈嘅雞頸柳。 海鮮三味除咗肉類，亦有3款海鮮。海老大大隻蝦肉爽口彈牙，帆立貝水嫩鮮甜，仲有原個魷魚筒，非常豐富。 。。銀座炎蔵燒肉 (荔枝角)荔枝角長義街9號D2 Place ONE 3樓302號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood 。#香港美食 #香港探店 #香港餐廳 #日式烧肉 #实现烤肉自由 #烧肉 #日式烤肉店 #沉浸式日式美食 #和牛 #香港生活 #香港必吃 #生活美食探索 #打边炉 #和牛寿喜烧 #烤肉 #自助烤肉 #有酒有肉解压好去处 #荔枝角 #香港旅行 #香港餐厅
