週未嚟咗大館睇表演，睇完表演就喺大館入面搵食，呢間法式餐館就喺入口附近，有室內同室外嘅座位，磚牆同木門窗都非常有質感。晚市嘅set dinner每位$368，除咗有4款前菜，加埋自選嘅1款主菜同甜品，實在係非常豐富。 南瓜紅菜頭希臘芝士沙律前菜嘅沙律有藜麥、神石榴、洋蔥、露筍、南瓜同羊奶芝士等材料，食落有品同嘅口感，味道酸酸哋非常開胃。 燒雞肉串·一口烤椰菜花·蕃茄醬意大利飯球另一個拼盤有3款前菜，雞肉串烤得啱啱好一d都唔乾，椰菜花加咗香料去烤食落好香，最特別一定係個炸飯糰外脆內軟。 烤鱸魚配忌廉蘑菇菠菜鱸魚厚身，外皮烤到有少少香脆，魚身肉質嫩滑，味道鮮甜。底嘅薯蓉同菠菜都好好食。 香煎牛腹扒配黑椒牛肉汁牛扒叫咗五成熟，牛扒完美煎封鎖住肉汁，肉中心仲帶d粉紅色，火候控制得啱啱好。牛扒肉質腍嫩，肉味香濃。 兩款甜品我哋各叫咗1份開心share，分別有法式可麗餅配雪糕同法式朱古力慕絲。可麗餅配埋雲呢拿雪糕香甜軟熟，慕絲朱古力味都幾濃但唔會太甜。 。。巴黎小館 (中環)中環荷李活道10號大館01座警察總部大樓地下G08號舖。。##手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #central #taikwun #中環 #中環餐廳 #大館 #中環美食 #法國菜
