想平又想食高質嘅壽喜燒我通常都會嚟呢間壽喜・關西，雖然冇師傅幫手煮，但$200左右就可以食到大份嘅十勝產A4和牛，有時自己落手落腳燒都唔錯。每份套餐除咗有牛，仲有前菜、野菜盛盒、飯/烏冬、甜品，非常豐富，配嘅蛋仲要係日本蘭王蛋。 精品赤身壽喜燒套餐 (並120g) $198叫咗份呢到最平嘅套餐，有120g嘅和牛赤身，大大片嘅赤身有4片左右，雖然係手入門版但肉已經非常腍，入口肉味香濃，肉感十足。只需要用壽喜燒醬汁輕輕燒一燒兩邊就食得。 牛板腱壽喜燒套餐 (大盛180g) $258朋友叫嘅大盛牛板腱，牛嘅油花就明顯更多更平均，同樣係非常腍嫩，但就多咗份油香同肉質更加滑溜，點埋蘭王蛋食有埋蛋香就夠晒滿足。 跟餐嘅野菜拼盤都好豐富，除咗娃娃菜，又有香菇、豆腐、芋絲、豆卜、大蔥等。蔬菜有用另一款湯汁落鍋煮熟就食得，食完肉食返d菜成件事就冇咁膩。最後仲有抹茶蕨餅做甜品，口感煙靭，抹茶味又夠濃。 依家餐廳仲做緊優惠，只要做齊(i)讚好/追蹤「Sukikansai壽喜·關西」FB / IG+(ii)將嘢食相upload到FB/IG+(iii)喺post/story入面tag壽喜·關西，就可以免費拎到白/黑生啤一杯或者40g和牛赤身一份，我哋呢d食肉獸當然係揀追加一份肉。 。。壽喜・關西 (尖沙咀)尖沙咀金馬倫道33號The Cameron1樓101號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #尖沙咀 #尖沙咀餐廳 #尖沙咀美食 #尖沙咀燒肉 #壽喜燒 #燒肉 #sukiyaki
