趁放假，過咗嚟灣仔星街呢邊過d慢活嘅生活，行下街順便嘆返個有品味嘅精緻午餐。揀咗呢間位於斜路未端嘅Maison es，餐廳走法式田園風格，門口擺放咗花卉，自成一角。 午市的3 courses menu ($358@)，有前菜、主菜同甜品。先上嘅兩款餐包brioche同sourdough都好好食，麵包非常軟熟，搽埋牛油就更加香。Japanese Spot Prawn 牡丹蝦同帶子刺身，加上三文魚子、紫菜、米脆片做嘅前菜，入口鮮味十足仲有好豐富嘅口感。 Garden Peas另一款前菜擺盤非常精緻，底嘅係綠色奶凍，面頭用露筍、鵪鶉蛋、沙律菜等做點綴，再加咗八珍甜醋做個醬汁，食落清新又開胃。 Sliver Pomfret Fillet主菜方面我哋叫咗份銀鯧魚柳，魚柳肉質嫩滑，用甜麵豉醬醃過更加帶出魚嘅鮮味。配埋螢光魷魚同蝦醬做嘅醬汁，味道帶鹹香。 Spanish Pork Loin 另一款主菜就揀咗慢煮西班牙豬，因為係慢煮，豬肉非常腍嫩，配埋加咗菠蘿莎莎嘅米粒麵同芝士醬汁，味道層次豐富。 甜品就有馬卡龍、奇異果雪葩配雲呢拿奶凍同柚子雪糕。甜品嘅水準唔錯，擺盤又靚，打卡一流。 。。Maison ES (灣仔)灣仔電氣街1號恆德大廈UG樓B號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #maisones #灣仔 #灣仔餐廳 #灣仔法國菜 #法國菜
