難得有連假晏咗起身當然要食返個豐富嘅早午餐。嚟咗灣仔呢間forkers，佢哋假日除咗有lunch set，仲有brunch all u can eat ($698@)，120分鐘任食M7和牛西冷牛扒同伊比利亞豬扒，包埋湯、沙律同飲品。店員嘅服務態度都好好，如果食得多真係好抵。 沙律係Caesar salad，餐湯就係蕃茄南瓜湯，蕃茄同南瓜味都好香濃，加咗忌廉令到個湯好滑。 Jamon Iberico de Bellota (+$98)我哋另外加咗兩個side dishes，其中嘅48個月黑毛豬火腿嚟自餐廳喺西班牙嘅自家農場，火腿鹹香味好香濃，食落一d都唔羶。 Seafood Tartare (+$68)另一款海鮮他他，入面有三文魚、吞拿魚同天使蝦，刺身非常新鮮，天使蝦好鮮甜，而且加入咗燈籠椒粒，味道更加清新同埋有爽脆嘅口感。 Australian M7 Wagyu Striploin澳洲M7和牛西冷煎得啱啱好，中心keep好粉嫩，入口肉汁豐富，肉質腍嫩，而最緊要係任食，性價比超高。 因為係M7和牛，油花比例比較高，如果食完一份覺得有d膩又式者唔想食咁油，餐廳都容許可以叫USDA prime西冷，真係非常貼心。USDA prime肉質相對肉感較重，肉味香濃，但同樣都係好腍。 Iberico Pork除咗牛仲有黑毛豬都係任食，豬係嚟自西班牙自家農場，以慢煮方式烹調，肉質非常之嫩，仲食到淡淡嘅橡果香味。不過因為係慢煮，如果想添食就要預早少少同店員講。 Truffle Fries另外仲有薯條任食。薯條即叫即炸大約要5-10分鐘，熱辣辣非常香口，而且加咗松露油，食落有陣陣黑松露香味。嚟食個咁豐富高質嘅brunch又點可以唔叫返杯酒飲，我哋分別叫咗杯白酒同汽酒襯返d美食。呢款Riverby Estate Sauvignon Blanc ($98)入口會有少少似番石榴嘅果香，味道帶d酸，同d前菜非常夾。另一款Cremant de Bourgogne, Bouhelier（$98)相對會甜d，medium嘅汽泡飲落更加有口感。 除咗酒，我哋仲叫咗樽Saicho Jasmine Sparkling Tea，第一次飲sparkling tea，口感都幾特別，茉莉花茶味道甜甜哋，茶味好清新，兩個人share 1樽啱啱好。Brunch本身有埋甜品，今日就有芝士蛋糕配雲呢拿雪糕。因為我哋想試吓其他就upgrade咗一個做premium dessert：梨子乳酪蛋糕配雲呢拿雪糕。乳酪同梨子果肉好夾，蛋糕味道清新唔會好膩。 。。Forkers (灣仔)灣仔駱克道33號萬通保險大廈地下A號舖。 。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #forkers #灣仔 #灣仔餐廳 #牛扒
