好耐冇食吉列牛，於是同朋友嚟咗Airside呢間京都勝牛。我哋平日晚市嚟都係全場滿座，一入去已經聞到好香吉列牛嘅味道。 四品牛魔御膳 $328我哋叫咗餐廳最受歡迎嘅呢款四品牛魔御膳，有齊4種唔同部位嘅吉列牛，包括穀飼西冷、菲力牛、翼板牛同醬味薄牛。牛肉經過60秒快炸去到3至5成熟左右，肉嘅中心仲係非常粉嫩，但係完全唔會有血水流出嚟。如果想食熟d，餐廳仲會提供煎pan可以自己再煎熟少少d牛肉。西冷肉質最腍身，菲力同翼板肉味較濃。至於薄牛有少少免治嘅口感，醬汁非常入味。吉列牛食嘅時候可以點咖喱汁、味噌醬、牛扒汁、山椒鹽又或者醋汁食，每款都有唔同特色。御膳除咗吉列牛，仲有溫泉蛋同任添嘅白飯、京椰菜同味噌湯。 勝牛壽喜燒鍋膳 $188我哋另外仲叫咗個壽喜燒鍋，除咗有牛肉，仲有金菇粉絲，椰菜、豆腐，冬菇等配料。牛肉都幾腍嫩，點埋生雞蛋一齊食就更加滑溜，充滿蛋香。鍋膳同樣都有白飯同麵豉湯。 特濃抹茶小豆流心蛋糕 $52除咗吉列牛，呢度都有甜品食。呢款抹茶流心蛋糕，蛋糕抹茶味好香濃之餘，入面仲有抹茶軟心，配埋雲呢拿雪糕，味道甘甜。 草莓小豆雪糕三文治 $58呢款雪糕三文治，用脆炸外皮包住雪糕，外脆內軟嘅口感，加埋士多啤梨味雪糕，非常滿足。小豆宇治抹茶 $36飲品方面朋友叫咗杯宇治抹茶，香濃抹茶加咗奶，口感更加幼滑，底到仲有紅豆粒。山楂荔枝乳酸 $38我就叫咗杯季節限定嘅山楂荔枝乳酸，味道酸酸甜甜，開胃解渴。 。。京都勝牛 (AIRSIDE) (九龍城)九龍城啟德協調道2號AIRSIDE B1樓B129號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #京都勝牛 #啟德 #airside
