之前喺內地已經有食過呢間綠茶餐廳，今次嚟到香港開分店咁以後就唔洗特登去深圳食喇，餐牌仲有唔少香港限定菜式。 粉絲裹蝦 $108原煲砂鍋喺枱面煮，除咗粉絲，都有唔少蝦。店員會幫忙計時同煮熟d蝦。新鮮滾熱辣第一時間就可以食到爽彈嘅蝦肉。粉絲吸收晒d汁都非常入味。 三色雞絲涼麵 $48用咗三款唔同顏色嘅冷麵嚟整，色彩繽紛非常吸睛。麵夠彈牙，底嘅醬汁除咗辣亦帶d酸，食落香辣開胃。 蔥香脆皮烤鴨 $128烤鴨皮脆肉嫩，鴨肉香得嚟唔羶，伴埋啲蔥蓉一齊食就更加之香。 麵餅醬香五花肉 $108餅皮入面包住五花肉、脆片同鹹香嘅麵醬，一啖咬落去有唔同嘅口感，味道豐富。 冬菜鮮肉包 $38鮮肉包有幾款口味，我哋就叫咗冬菜，熱辣辣用蒸籠上枱。包夠軟熟，入邊嘅肉餡亦都好多汁。土豆芝士塔 $22我哋仲叫咗個土豆芝士撻，酥脆嘅撻皮入邊有用薯仔同芝士做嘅餡料，有少少流心嘅效果，非常有特色。 。。綠茶餐廳 (奧海城二期) (大角咀)大角咀海庭道18號奧海城二期1樓105A號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #綠茶 #奧海城 #大角咀
