約咗friend喺旺角，最後決定食串燒。呢間串燒店，最平嘅款式只需要$10/串，而且除咗一般嘅肉類、海鮮、蔬菜類串燒，仲有d菜品都幾特別，好似菠蘿包、手抓餅、椒鹽九肚魚咁。 椒鹽＋紫菜味+泰式辣醬＋九肚魚 $68九肚魚炸到脆卜卜，魚肉非常嫩滑，面頭加咗椒鹽同紫菜粉，食落更加香口。仲可以點埋個泰式辣醬，香辣惹味。 咖喱牛舌菠蘿包（微辣） $58嚟串燒店都食菠蘿包，仲要係脆皮嘅。菠蘿包入面夾咗軟腍嘅咖喱牛舌同流心煎蛋，口感豐富，食落辣辣哋好香咖喱味。 蒜蓉欖角燒蟶子（微辣） $38@海鮮就叫咗燒蟶子，蟶子爽口彈牙，食落冇砂，仲好香蒜蓉味。蒜蓉菜脯燒元貝（2隻） $48帶子啖啖肉，而且加咗菜脯，食落更加惹味。 蜜糖燒芝士年糕 $28食落除咗有芝士嘅鹹香，又有蜜糖嘅香甜，年糕口感煙靭軟糯。至於串燒方面我哋就叫咗以下幾款：-山椒鰻魚汁燒白鱔 ($48@)：外皮燒到好香脆，白鱔肉質爽彈 -鹽燒和牛牛小排 ($48@)：牛小排肉味香濃，而且都幾腍身-豚肉荔枝卷 ($15@)：豚肉卷住香甜嘅荔枝肉，一啖咬落去就爆汁-香燒翠玉瓜 ($10@)：翠肉瓜爽脆多汁-蜜糖燒菠蘿 ($10@)：味道酸酸甜甜又多汁，可以中和返串燒嘅油膩感 。。人生有限杯.串燒店 (旺角)旺角通菜街1A-1L號威達商業大廈Deli2 1樓1A號舖。 。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #串燒 #旺角 #旺角美食 #旺角餐廳 #香港串燒
