呢間韓國菜喺尖沙咀有幾間分店咁多,而我哋諗住食燒肉,就嚟咗近天文臺道嘅呢一間。餐廳係傳統韓燒嘅格局,店員好多都係韓國人,非常地道。坐低就有幾款泡菜可以食住先,係正宗嘅韓國味道,所以偏辣。 牛肉拼盤Set A $560我哋兩個人叫咗個牛肉拼盤,有4款牛部位,同一個湯(泡菜/大醬),肉嘅份量夠晒兩個人食,而且仲有無限量生菜供應用嚟包住d肉同辣醬一齊食。 4款牛分別係牛肉眼、牛肋骨肉、肩胛肉同板腱肉。肉眼扒大大塊,肉質腍嫩。牛肋骨會帶少少筋,食落更加有口感。肩胛肉同板腱肉味較濃。店員仲會幫手燒肉,咁就唔使自己落手。湯我哋揀咗大醬湯,入面有豆腐、蜆肉、蔬菜等配料,湯唔會太鹹,味道啱啱好。 水冷麵 $90我哋另外仲叫咗碗水冷麵,麵食落好煙靭,清涼嘅味道同口感可以中和返燒肉嘅油膩感,仲可以加醋同黃芥辣撈埋一齊食,別有一番風味。 。。南대門 (尖沙咀)尖沙咀金巴利道65-67號太平洋大廈地下2號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #韓國菜 #燒肉 #尖沙咀燒肉 #尖沙咀 #韓燒 #南대門