嚟緊就係蛇年，原來賀年都唔一定要食中菜，見呢間韓式cafe就趁新年推出咗應節嘅蛇年新春menu，嘢食有特色得嚟仲好好意頭。 蛇麼都要韓式煎餅拼盤 $122拼盤入面除咗有韓式煎餅，仲有爽彈大蝦、香菇、juicy茄子同翠玉瓜，款款都用蛋漿煎到金黃，寓意蛇年可以盤滿缽滿，點埋辣汁食就更加惹味。 鮑鮑高昇飯卷 $128用鮑魚做配料嘅韓式飯卷配真係第一次食。原隻彈牙鮑魚仔加埋d爽脆蔬菜絲，成個飯卷非常有口感。飯卷面頭仲搽咗d辣醬，食落就更加有韓國風味。 明太子奶油年糕 $92呢到嘅年糕非常特別，呈長條狀，冇平時食d年糕咁粗咁厚，口感煙靭q彈得嚟又唔會太難咬，個明太子奶油醬汁好香好creamy。 蛇年喜有柿你窩夫 $138甜品方面就有用柿做主題嘅窩夫。窩夫口感鬆軟，連埋忌廉、蜂蜜同柿醬汁一齊食，勁滿足。仲有個仿真柿賣相勁靚其實係大福嚟，軟糯嘅外皮入面包住忌廉同香甜柿肉。 橘子咖啡 $58呢杯橘子咖啡，面頭飄住一塊檸檬，咖啡底就有橘子蜜，咖啡好香濃又唔會太甜，入口帶d檸檬嘅清香。柿事連連柿子綠茶 $58朋友叫嘅呢杯柿子綠茶，除咗面頭有奶蓋，綠茶仲加入咗柿汁同柿肉，飲落香得嚟唔會話太甜。 。。Terrace in seaside (MOKO新世紀廣場) (旺角)旺角太子道西193號MOKO新世紀廣場3樓346&347號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #旺角美食 #旺角 #打卡 #新年限定 #新年
