金巴利道一向係韓式料理集中地,我哋今次就嚟咗呢間Ssal Bori Ssal ,主打正宗韓國料理,入到去發現原來都唔少韓國人特登嚟食嘢。餐廳雖然唔大,但乾淨企理 海鮮薄餅 $149薄餅煎到金黃色,外邊好香脆,入面主要就有魷魚同蔬菜等配料,厚薄啱啱好食落唔會太粉,點埋辣汁食就更加惹味。 韓式豬手 $310豬手好大份,原隻連骨切片上。豬手入味,豬皮口感q彈,脂肪層爽而不膩,肉嘅部分亦都腍身。可以攞d生菜夾住豬手同辣醬一齊食就更加清爽。 韓式石頭飯(牛) $120如果鍾意食飯焦就一定唔可以錯過佢哋嘅石頭飯。配料除咗自選嘅肉類(我哋揀咗牛),仲有生蛋黃、香菇、芽菜、菠菜、蘿蔔等蔬菜,色彩繽紛賣相一流。最正就係成個底都係飯焦,脆卜卜非常香口。 。。Ssal Bori Ssal (尖沙咀)尖沙咀金巴利道78號金輝閣地下B號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #尖沙咀 #尖沙咀餐廳 #尖沙咀美食 #韓國菜 #尖沙咀韓國菜 #韓國 #豬手