心思思想食梳乎厘pancake,嚟咗葵芳呢間The Pantry Cafe,除咗有pancake食,亦都有其他主菜咸食,好似pizza、牛扒、意粉咁。 Four Cheese Pizza $208呢款四重芝士pizza係星形批設計,非常特別,用咗Burrata、Gorgonzola、Mozzarella同Mascarpone四款芝士,芝味十足。個pizza底非常煙韌軟熟,加埋個蒜蓉醬一齊食就更加香。 Beef Sirloin $258另外叫咗份燒安格斯澳洲穀飼牛西冷扒,五成熟燒得啱啱好,牛扒外邊焦脆,入面仲係粉嫩juicy,肉味濃郁。牛扒可以跟兩款醬汁,我哋就揀咗香蒜青醬同賓利士醬,配唔同嘅醬牛扒食落風味都唔同。牛扒仲會跟埋薯條或者薯蓉,非常抵食。 Pineapple Coconut Pancake $119到主角嘅厚梳乎厘pancake,口味選擇非常多,我哋就揀咗呢款pineapple coconut,pancake配搭5小時低溫慢烤焦糖菠蘿、椰子醬、牛油酥餅碎,充滿亞熱帶風情。梳乎厘軟熟,空氣感十足,好香菠蘿同椰子味。個慢烤焦糖菠蘿酸酸甜甜,好好味。 。。The Pantry Cafe (葵芳)葵芳興芳路223號新都會廣場5樓531-540號舖。。#香港美食 #周末探店 #香港必吃 #香港 #葵芳 #葵芳美食 #新都會廣場 #葵芳新都会广场 #香港甜品 #香港甜品推荐 #pancake #甜品 #pizza #metroplaza #kwaifong #葵芳餐廳 #手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood