聖誕節行完尖沙咀海旁感受節日氣氛,嚟咗尖沙咀中心呢間PHI坐低食嘢休息吓。呢頭人流唔算多,環境舒適,望住街景飲杯嘢非常寫意。 漢堡扒全日早餐 $132All day除咗有大大塊厚肉多汁嘅漢堡扒,仲有香脆煙肉、香甜烘多士、太陽蛋、燉牛肉、牛油果、沙律菜等,非常豐富。 辣蕃茄蟹肉扁意粉 $112佢嘅意粉整得唔錯,食落夠彈牙,個汁好香蕃茄味,食落辣辣哋好開胃,面頭亦都有唔少蟹肉。 秋冬濃濃栗子梳乎厘 $148甜品就叫咗秋冬天先當造嘅栗子梳乎厘。除咗有用栗子磨成嘅栗子蓉,仲有大大粒原粒栗子同栗子造型嘅瑪德蓮蛋糕,鍾意食栗子就啱晒。梳乎厘夠鬆軟綿密,空氣感十足。 天然蜂蜜棒棒冷熱咖啡 $58呢杯蜂蜜棒棒咖啡非常有特色,有一杯凍鮮奶加蜂巢棒,同一杯熱咖啡。飲嘅時候將咖啡倒入奶入邊用蜂巢棒攪勻,香濃咖啡加上香甜嘅天然蜂蜜,簡直係雙重享受。抹茶鮮奶 $46熱嘅抹茶鮮奶,口感順滑,抹茶味好香濃,啱晒天氣咁凍嘅時候飲。 。。PHI Coffee & Pancake (尖沙咀中心) (尖沙咀)尖沙咀麼地道66號尖沙咀中心地下G64-66號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #尖沙咀#pancake #甜品 #尖沙咀甜品 #尖東餐廳 #尖沙咀餐廳 #尖沙咀美食 #coffee #tsimshatsui