同朋友喺海港城睇完聖誕燈飾，就嚟咗呢間韓式cafe搵食。餐廳環境好舒服，嘢食飲品賣相又精緻，啱晒同閨蜜嚟打卡。 濃鮮龍蝦意大利飯 $165意大利飯用咗龍蝦湯汁去煮，好香龍蝦味，飯嘅口感啱啱好，唔會太軟或太硬，加埋啖啖已經拆咗殼嘅龍蝦肉，鮮味十足。 漢堡扒全日早餐 $132呢款All Day好豐富而且性價比十足。除咗有厚肉大件嘅漢堡扒，仲有煙三文魚、蜜糖多士、牛油果、太陽蛋、煙肉、炆牛脷、炒蘑菇同沙律菜。漢堡扒肉味香濃仲好juicy。蜜糖多士都整得唔錯，香脆得嚟又香甜。 蜜瓜在初夏升溫時 $142嚟得呢到當然要食佢哋嘅梳乎厘pancake。揀咗蜜瓜口味，除咗有香甜蜜瓜果肉，亦都有蜜瓜啫喱同蜜瓜忌廉。梳乎厘pancake口感綿密，空氣感十足。 蜜瓜在沙冰降溫時 $68飲品方面朋友就叫咗杯蜜瓜沙冰，入面有蜜瓜果肉，味道唔會太甜，冰涼入心。凍抹茶鮮奶 $46我就叫咗杯抹茶鮮奶，口感細滑亦好香抹茶味。 。。sips;;lban (尖沙咀)尖沙咀廣東道3-27號海港城海運大廈地下OTG61號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #尖沙咀。#尖沙咀美食 #海港城 #海港城餐廳 #cafe #打卡 #pancake #甜品
