奧海城入面呢間韓式炸雞店，唔經唔覺原已經開業1年，佢哋嘅炸雞分有骨同無骨，款式味道選擇都幾多，而且好多款都好有特色。 半半炸雞(有骨) $238今次我哋揀咗食有骨炸雞，炸雞皮脆肉嫩仲好juicy。叫雙拼就可以一次過食到兩款口味，每款都有成7/8件，份量絕對夠三五知己開心share。Corn-so Amazing呢款係鹹甜口味，除咗有香甜粟米味，仲有鹹香芝士味。另一款我哋就揀咗羅勒派對，清新嘅青醬可以消除炸雞嘅油膩感。 午市時段除咗炸雞，餐廳仲有定食、石鍋拌飯、湯等lunch set供應。天氣開始轉涼我哋就叫咗兩個湯，跟餐有泡菜同白飯，另外仲可以加咗嘢飲(西柚梳打 +$12/蘋果味梳打 +$7)。牛肉大醬湯 $98牛肉大醬湯入面除咗有牛肉片，亦都有大蔥、蘿蔔片同菇菌等配料，大醬味道濃郁，送飯一流。 嫩豆腐湯 $98豆腐湯香辣惹味，飲完即刻暖笠笠，入面除咗有軟嫩滑豆腐，仲有魷魚仔。 。。PURADAK CHICKEN (奧海城三期) (大角咀)大角咀海泓道1號奧海城三期UG樓UG68, UG71-73號舖。 。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #韓國菜 #炸雞 #奧海城 #奧運站 #大角咀 #奧海城美食 #韓式炸雞 #PURADAKCHICKEN #PURADAK #CHICKEN
