朋友約我嚟啟德呢個商場行街，發現原來呢到都幾多嘢食，我哋今次就揀咗食呢間韓燒。 食韓燒當然唔少得唔同款式嘅前菜，好似有南瓜蓉、海帶、泡菜、芽菜、菠菜等等。而爐邊亦都有可以refill嘅泡菜蛋同粟米芝士。醬料方面就有檸檬豉油、椒鹽同大醬3款。 一級五花肉 $238五花肉有兩大塊，色澤好靚，肥瘦相間，先將一面燒到金黃香脆再燒另一面，將油脂盡量逼出，食落焦脆甘香。 豬皮 $88店員教豬皮只需要每面燒大約十幾秒就食得，豬皮本身用醬油醃過，非常入味。入口滑溜彈牙，有滿滿嘅骨膠原。牛小排 $280牛小排嘅油花分佈好平均，賣相一港，肉質口感腍嫩，而且肉味濃郁。 和牛牛五花 $158牛五花切成條狀，燒嘅時候可以保留到更多肉汁，食落牛味好香濃。海鮮煎蔥餅 $138蔥餅煎得脆身，好香蔥味，面頭仲有魷魚、蝦等海鮮，而且好大份，絕對夠2/3個人share食。 芝士蛋糕配雪糕 $55雖然呢到係韓燒店，但佢哋個芝士蛋糕都整得唔錯，口感綿密，芝士味香濃，仲配埋雪糕添。焦糖布甸 $45焦糖布甸都好滑溜同好香蛋味。梅子青檸/菠蘿梳打 $42@飲品方面我哋叫咗兩杯梳打，梅子青檸比較特別，酸酸甜甜，可以中和返油膩感，消滯解渴。 。。冬柏 (啟德)九龍城啟德協調道2號AIRSIDE 5樓L506號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #啟德 #冬柏 #韓國菜 #燒肉 #韓燒 #kaitak #airside
