原來音樂餐廳以前喺大角咀嘅時候已經有幫襯過，估唔到依家開咗喺尖沙咀K11，地點更加方便，當然要去捧場。餐廳逢星期四至日晚都會有DJ環節或者音樂演出，啱晒鍾意聽歌嘅朋友。 雖然我哋今次午市時段嚟冇歌聽，但餐廳環境依舊係非常舒適，靜靜哋啱晒拍施或者同fd聚會。佢哋嘅Brunch & Lunch menu都非常抵食，除咗自選嘅主菜之外，仲會配餐湯或者沙律，另外又可以再加小食同甜品。 Lost Star All Day Breakfast $138All day breakfast好豐富，除咗有4選1嘅主食，仲有壓縮魚子醬牛乳滑蛋、烤蘋果、烤馬鈴薯、英式焗豆、田園沙律、法式奶油焗薯同迷你牛角包。主食我哋揀咗慢煮美國雞胸肉，雞胸肉一d都唔嚡，提供豐富蛋白質。個炒蛋都好嫩滑好creamy。 香烤新西蘭肉眼(8oz) $188我哋仲叫咗份肉眼扒，牛扒肉味濃郁，肉質腍嫩，中間仲keep到粉嫩有肉汁，唔會overdone。配菜方面就有烤南瓜同番薯。 水牛城雞翼(3件) +$38加配咗水牛城雞翼，個醬汁辣辣哋好惹味。 Matcha Affogato +$38最後當然要食埋甜品，呢款Matcha Affogato賣相精緻，用上香濃抹茶配雲呢拿雪糕，甜中帶甘。Mocha $52朋友叫咗杯mocha，個咖啡杯好靚，咖啡香濃幼滑仲好香朱古力味。 。。Lost Stars Livehouse Bar & Eatery (尖沙咀)尖沙咀河內道18號K11購物藝術館2樓222A號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #tsimshatsui #尖沙咀 #k11 #西餐 #尖沙咀餐廳
