呢間人氣串燒店，估唔到喺荃灣都開咗新分店，即刻叫埋朋友去。餐廳嘅串燒款式多，價錢都實惠，最平十幾蚊就有一串。裝修又靚，坐得好舒服。 汁燒免治雞肉軟骨棒(附月見) $38免治雞肉軟骨口感豐富，點埋蛋汁食味道就更加香濃。 雞皮墨魚滑 $38餐廳嘅招牌串燒之一，師傅將墨魚滑釀喺雞皮入面拎去燒，做到香脆x彈牙嘅雙重口感。明太子雞腿肉 $28雞腿肉嫩滑，一啲都唔嚡，加埋鹹香帶辣嘅明太子醬，味道更加豐富。鹽燒原塊雞皮 $22雞皮有成隻手掌咁大塊，燒到脆卜卜，而且因為油分已經逼哂出嚟，一啲都唔膩。鹽燒雞中翼(兩隻) $20雞翼火候控制得啱啱好，甘香外表將雞翼嘅油脂同肉汁鎖住喺雞翼入面。 厚切鹽燒牛舌拖羅 $48牛舌夠厚身，肉質非常軟腍，牛味香濃。泰式豬頸肉 $28豬頸肉夠爽口，點埋個泰式酸辣汁食就更加滋味。鹽燒豬肋肉 $24用咗西班牙豬肋肉嘅稀有部位，肥瘦適中鹽燒豚肉荔枝卷 $22豚肉片卷住荔枝肉嚟燒，豚肉吸收哂荔枝嘅香味，一啖咬落去荔枝仲會爆汁，勁香甜。蒜蓉燒廣島蠔(兩隻) $44廣島蠔飽滿肥美，肉質水嫩，鮮味十足，仲好香蒜蓉味，非常抵食。 鹽燒/日式燒白鱔 $48@白鱔叫咗兩款口味，同樣做到皮脆肉彈嘅口感。個人比較鍾意鹽燒，因為可以更加帶出到白鱔本身嘅鮮味。 除咗肉類同海鮮，呢到嘅蔬果類串燒都整得好出色，保持到蔬果本身鮮嫩多汁嘅特質，而且有唔同調味可以揀。我哋就叫咗下面呢幾樣：-鹽燒/麻辣翠玉瓜 $16@-鹽燒芥蘭頭 $16-明太子淮山燒 $26-牛油蒜蓉焗雜菇 $38-川燒蒜蓉茄子 $36 日本芝士年糕 $38芝士年糕外面帶脆，入面軟糯煙韌，芝味十足。蜜糖/黑糖燒菠蘿 $18/$20@最尾當然唔少得食返兩串燒菠蘿，酸酸甜甜，非常多汁，當做飯後甜品就啱哂。黑糖燒菠蘿面頭仲有層脆皮糖衣，香甜可口。 。。燒烤堂 (荃灣)荃灣川龍街118號百悅坊12樓。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #串燒 #荃灣 #荃灣餐廳 #荃灣美食 #荃灣西 #香港串燒 #bbq #tsuenwan
