同朋友嚟食鐵板燒，呢度嘅鐵板燒有唔同價位，由$388起跳，我哋就叫咗入門廚師發辦套餐($588）同季節廚師發辦套餐($788），分別有五道菜同七道菜。招牌沙律先上嘅煙三文魚沙律，鹹香煙三文魚卷住沙律菜，賣相精美。前菜七道菜套餐先有嘅前菜係日本蘭王蛋白松露醬拌魚子醬。濃郁嘅蛋香、清香白松露，加埋鮮味魚子醬，簡直係最強配搭。 鐵板海鮮兩品師傅會喺面前即席炮製鐵板燒，今日師傅就整咗下面4款海鮮俾我哋，師傅仲好有心思整咗蝶豆花海鹽泡泡做伴碟： -南非孔雀鮑魚：爽彈嘅鮑魚配上師傅秘製嘅蒜蓉醬，鮮甜又惹味。-帶子拌意大利黃瓜：帶子煎到啱啱熟，口感仲係好水嫩，鮮甜多汁。 澳洲牛柳每個套餐都有份肉類，其中一款我哋就揀咗澳洲牛柳。牛柳煎到五成熟左右，肉味香濃，可以配炸蒜片同竹炭鹽一齊食。宮城縣厚切黑豚扒而另一款就揀咗黑豚扒，黑豚扒係厚切嘅肉質腍嫩一啲都唔嚡，配嘅係非常特別嘅鳳梨辣汁，有淡淡鳳梨果香之餘又辣辣哋非常過癮。 -虎蝦：彈牙虎蝦配埋手打嘅蝦頭蝦膏汁，原汁原味 -白鱔：白鱔外皮煎到好香脆，肉質爽嫩，點少少七味粉同竹炭海鹽，更加帶出魚嘅鮮味。海鮮炒飯兩個套餐都會跟海鮮炒飯，炒飯粒粒分明，炒得好香，而頭仲有隻海蝦。而七道菜套餐嘅炒飯更加會升級加上醬油漬三文魚子，鮮味進一步提升。 菊花豆腐白麵豉湯七道菜套餐亦會跟埋白麵豉湯，白麵豉比一般嘅麵豉湯飲落更加清甜。由切成絲嘅豆腐就睇得出師傅厲害嘅刀工。是日甜品甜品方面就有柚子雪葩同紫薯雪糕，兩款都加咗分子爆珠紅豆，增添口感。柚子雪葩非常清新，而紫薯雪糕就香甜軟滑。月桂冠The Shot 濃醇本釀造 $84餐廳嘅日本酒藏都幾豐富，有唔到款式嘅酒。我哋就叫咗支本釀造清酒，邊食邊飲。 。。龍亭 (佐敦)佐敦寧波街27-31號地下A-D號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood
