朋友想食精品靚牛燒肉，第一時間就諗起呢間韓式高端燒肉店。逢星期六日晚市可以食到呢款「韓牛精割品味體驗」套餐 ($720@)，一次過食勻晒5款稀少韓牛部位，而且廚師會即席介紹唔同牛嘅部位同喺面前切牛，之後仲有專人幫手燒埋，簡直係超高級享受。 是日精選韓國酒套餐包咗1款韓國酒，經店員介紹我哋就揀咗Red Monkey Makgeolli同Hondi Korean Citrus Wine。Red Monkey Makgeolli用紅米釀製而成，深紅嘅色澤非常特別，酒精度數10.8%，口感醇厚，但冇一般馬格利酒咁甜。另一杯嘅橘子酒，酒精濃度12%，味道就比較清新。韓式前菜食韓國菜當然唔少得韓式前菜小碟，呢到就有泡菜、蘿蔔、菠菜、芽菜等而且大部份可以refill。 稀少韓牛部位(5款)牛肉非常新鮮，全部由廚師即切即燒，而且份量十足，啱晒我哋呢啲牛魔王。牛肉仲可以用生菜加大醬包住黎食，咁就冇咁膩。 -板腱肉：胛骨上方嘅位置，肉味濃厚，肉質都非常之腍身。-肩胛里肌：肩胛肉比較接近頭部的部位，相對肉感比較重，有淡淡肉嘅甘甜。-翼板肉：牛肩位置，軟嫩多汁，牛味香濃。 -特級牛小排：取自前五花肉嘅第一至第六條肋骨，油脂分布適中，肉質非常腍嫩。-沙巴當：牛後胛接近肋骨的部分，霜降油花非常靚，入口滿滿嘅油脂香。 韓式小食拼盤小食拼盤有薯條、年糕等嘅炸物。韓牛脂飯食完牛仲有呢個非常好食嘅牛脂飯，用咗牛脂同蒜頭等炮製，乾濕適中，牛油味同蒜味勁香濃。蜂蜜雪糕 （+$38）最後食埋個蜂蜜軟雪糕，香甜嘅蜂蜜加埋軟滑雪糕，非常滿足。 。。貊炙 (灣仔)灣仔港灣道30號新鴻基中心1樓104, 104A, 105A 及 106-108號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood
