之前已經bookmark咗呢間韓國菜好耐，今日終於搵到朋友一齊黎，食佢哋signature嘅韓牛大蔥卷。一坐底就有泡菜、腐皮、芽菜、辣魷魚等小食，食哂仲可以refill。餐廳嘅裝潢好有宮廷感，坐得都好舒服。 綻放的櫻花生牛肉 $280叫咗生牛肉做前菜，生牛肉色澤好靚，口感有d似吞拿魚，放喺海苔脆片上面加埋唔同嘅配菜一齊食口感就更加豐富。 海鮮煎餅 $215韓式煎餅上面鋪滿咗蔥、魷魚同蝦等海鮮，味道香辣惹味。 海膽牛肉魚子釜飯 $295另外仲叫咗個海膽牛肉釜飯，飯底吸收哂醬汁，面頭有成排海膽，仲有牛肉粒同魚子，撈埋d飯一齊食，鮮味十足。 韓牛大蔥卷(配泡菜炒飯) $880期待咗好耐嘅韓牛大蔥卷，一份有十件，店員會先將牛肉卷煎熟，然後再喺鑊到用剩低嘅牛肉汁加入泡菜同飯一齊炒成泡菜炒飯。 牛肉卷用咗油花分佈平均嘅靚韓牛卷住大蔥，牛肉吸收咗大蔥嘅香味，牛肉汁又滲哂入大蔥到，入口腍嫩，肉味好香濃仲好juicy。點少少芝麻油鹽醬 食又有另一種風味。 The Night Begins $108呢到嘅cocktail都非常有韓國特色。呢杯the night begins就用咗韓國燒酒、青檸汁、菠蘿汁同蘋果醋調配而成，味道清新易入口。Lavender Seoul 127 $118至於呢杯lavender seoul 127，就用咗韓國桑酒、薰衣草糖漿同檸檬汁調配，果味濃郁，味道香甜。 。。Surasang 수라상 (尖沙咀)尖沙咀柯士甸道西1號ELEMENTS圓方水區1樓1028B號舖。。
