同朋友旺角行完街，黎咗呢間人氣cafe食嘢，就算係平日夜晚都座無虛席。Menu有沙律、班尼迪、意粉、意大利飯、各式小食，仲有窩夫、布甸等甜品，岩哂同朋友坐低飲杯嘢兼醫肚。 無花果合桃石榴果黑醋沙律 $80黑醋的酸甜令沙律非常開胃，而且因為加咗新鮮嘅無花果同石榴果，食得香甜得黎又清新，加埋香脆合桃果仁，成個沙律結合咗唔同口感同風味。 合桃脆脆卡邦尼粗管通粉 $95呢款用粗管通粉整嘅carbonara ，通粉口感彈牙，中空嘅部分掛滿哂醬汁，配上香脆嘅合桃粒，營造出豐富的口感。 煙肉三文魚班尼迪蛋 $85底層嘅多士烘到好脆，上面一層層鋪咗沙律菜、煎到焦脆嘅煙肉、煙三文魚同流心班尼迪蛋，非常豐富。 伯爵茶焦糖布甸 $50結合咗伯爵茶嘅芳香同布甸柔滑嘅口感。食落每一啖都散發住濃郁嘅伯爵茶香氣，面頭嘅焦糖香得黎又唔會太甜。 開心果鮮奶/焙茶鮮奶 $45/$40朋友叫咗杯開心果鮮奶，拉花好靚，飲落開心果味好濃郁，同鮮奶好夾。至於焙茶鮮奶就飲到焙茶果種獨特嘅炭香風味，茶味香濃。 。。Tuned Coffee & Roastery (太子)太子洗衣街163-163A號鴻德大廈地下B號舖。。
