黎咗呢間位於尖沙咀嘅8Five2 Restobar食平時比較少食到嘅墨西哥菜。Menu入面有唔少地道嘅墨西哥菜式，好似脆玉米片、玉米餡餅、卷餅等等，全部都非常有特色。餐廳嘅氛圍都好舒適，啱晒同朋友聚舊。 墨西哥牛肉玉米餅沙拉 $138呢款玉米餅沙拉賣相夠哂吸睛，用脆玉米餅好似碗一樣裝住牛肉碎、神石榴、芝士、牛油果、沙律菜同醬汁，撈勻之後食味道超balance，清爽得黎又開胃。同脆卜卜嘅玉米餅一齊食口感就更加好。 羊肉伴厄瓜多爾醬辣醬玉米餡餅 $168呢道菜就令我有全新嘅墨西哥美食體驗。羊肉粒配搭配濃郁嘅厄瓜多爾醬同辣醬，玉米餡餅軟熟，加埋勁多芝士，味道超豐富，辣醬同其他配料完美結合，喜歡食辣嘅人一定會愛鍾意。 燒豬仔骨(半份) $188豬仔骨都燒得唔錯，肉唔算太乾，而且都腍，好容易就可以同d骨分開，BBQ醬都好入味。半份嘅份量已經好大條，仲有薯條同酥餅跟埋，夠哂飽肚。 。。8Five2 Restobar尖沙咀天文臺道8號地下2號舖。。
