呢間位於奧海城嘅鮨樂，佢哋嘅午市定食都幾抵食。除咗定食高質之外，仲有近10款是日推介菜品做緊半價優惠都非常抵食。 12貫炙燒壽司御膳 $238呢款定食有12件壽司，其中大部分係火炙嘅，好似炙燒星鰻、北海道帆立貝、墨魚、三文魚、吞拿魚醬油漬、魚背、赤蝦咁。魚生非常新鮮，而且經過炙燒逼出魚油就更加香。其中赤蝦仲加咗松露醬，味道就更加濃郁。另外仲有鮮味三文魚子同幼滑海膽壽司等等，非常豐富。 極上海膽刺身丼 $208另一款刺身丼面頭就鋪滿海膽、赤蝦、蔥吞拿魚腩、三文魚子、帶子、吞拿魚、深海池魚等刺身。特別提一提佢哋用嘅壽司醋飯，顏色靚之餘，醋味仲好香。 定食除咗有跟沙律同麵豉湯之外，部分仲有跟茶碗蒸，入面有啖啖蟹肉同蝦肉，入口嫩滑鮮甜。 香煎鵝肝配米紙黑醋 $68 (折後$34)半價嘅煎鵝肝非常抵食，口感軟綿嘅鵝肝滲透出香濃嘅鵝油，夾埋香脆米紙一齊食，層次感非常分明。黑醋汁亦令成件事冇咁油膩。 甘鯛立鱗燒 $138 (折後$69)甘鯛用咗立鱗燒嘅方法去處理，令到魚皮同魚鱗非常之香脆，咬落脆卜卜，加上鮮甜嫩滑嘅魚肉，好睇又好食。 。。鮨樂 (奧海城3期) (大角咀)大角咀海泓道1號奧海城3期地下G23號舖。。
