行完商場諗住醫吓個肚，見呢間雪村做緊指定食品半價優惠都幾抵食。簡約嘅日系風格，亦有bar枱可以睇住師傅整刺身壽司，坐落環境都幾舒適。做緊半價優惠嘅食品都有逾10款，我哋就叫咗其中3款，另外仲叫咗份鰻魚飯。 Omakase刺身8點盛合 $488 (折後$244)師傅會挑選每日新鮮魚生製作刺身盛盒，今日就食到大拖羅、中拖羅、帆立貝、金目鯛、油甘魚、白身魚、赤海蝦等等。大拖羅超肥美，入口即融，魚油喺口入面化開。中拖羅相對冇咁肥，魚香味更加濃郁。帆立貝夠新鮮，肉質水嫩。金目鯛同油甘魚口感爽嫩彈牙。 串燒盛盒5點 $168 (折後$84)5款串燒今日師傅就預備咗香口脆卜卜嘅雞皮、嫩滑嘅雞腿肉、爽脆嘅雞軟骨、多汁嘅青椒仔同鮮甜嘅冬菇。串燒唔會話好鹹，可以食到食材嘅鮮味。 自家制免治雞肉 $68 (折後$34）自家製嘅免治雞肉餅面頭加咗隻生雞蛋，賣相非常吸睛。雞肉加上蛋汁同醬汁一齊食，味道濃郁。 蒲燒鰻魚丼 $188鰻魚飯足料飯面鋪滿鰻魚。鰻魚食落冇咩骨而且燒得好香身，配埋熱辣辣嘅珍珠米同鰻魚汁醬，食到停唔到口。 。。雪村 (尖沙咀)尖沙咀河內道18號K11購物藝術館1樓106號舖。。
