同朋友諗住搵間居酒屋食吓串燒聚吓舊,呢間位於太子嘅朝Asa,門面好有日系風格,仲做緊全單8折嘅優惠。串燒嘅種類都唔少,亦都有刺身、炸物等其他嘢食可以叫。 酒盜芝士 $68先上嘅前菜酒盜芝士份量十足,大大件嘅軟芝士淋滿鹹香旨味嘅酒盜,即係醃漬魚內臟,再配上脆卜卜嘅炸豆皮一齊食,香口惹味。 串燒-燒白鰻串 ($68):甘香嘅外皮加上鮮嫩嘅魚肉,而且冇咩骨,厚肉彈牙。-汁燒牛肋肉 ($48):牛肋肉肉質腍嫩,而且醬汁非常入味。-豚肉紫蘇串 ($38):豚肉唔會燒得太乾,食落仲有肉汁,面頭清香嘅紫蘇醬仲可以解膩。 -月見雞肉棒 ($48):免雞肉入面混有雞軟骨,增添口感,點埋蛋黃食味道就更加香濃。 -青椒仔 ($38):香口惹味,咬落爆汁-大啡菇 ($32):燒得岩岩好,水嫩juicy甲羅燒 $128剛上枱嘅甲羅燒熱辣辣,蟹膏香味濃郁。鮮甜蟹肉加上香濃嘅蟹膏、蔥花同生鵪鶉蛋,襯埋脆卜卜嘅餅乾一齊食,非常滋味。 燒明太子飯團 $38飯團燒到有少少焦脆,香口飽肚。 日本芝士年糕 $38芝士年糕外脆內軟,口感軟糯煙靭,拉芝效果明顯,芝士控必食。 刺身-中拖羅 ($98)-左口魚裙邊 ($78)叫咗兩款刺身,推薦左口魚裙邊,輕輕用火灸燒過,逼出嘅油香令鮮味更加濃郁。 飲品方面清酒嘅選擇都唔少,唔飲酒嘅亦都可以叫好似白桃果汁($48)或者蘋果梳打汽水($58)等等嘅飲料。。。朝 (太子)太子大南街39號地舖。。