想食韓燒,黎咗呢間位於長沙灣嘅會長之家烤肉。餐廳嘅裝潢非常特別,用70年代韓國會長之家為藍本,充滿復古風。我哋叫咗2人套餐,有3款牛、2款豬、珍寶紅蝦、生菜、泡菜小食同手調飲品2杯。 會長招牌套餐(2人) $498-韓式醬汁牛五花100g-M6和牛臀肉 100g-美國極佳牛頸脊 100g-西班牙豬肋條 100g-特級豬頸肉 100g-阿根廷珍寳紅蝦2隻套餐加埋有成500g肉,肉嘅質素都唔錯,又有珍寶蝦同飲品,都算抵食。 牛五花充滿油香,用生菜加少少辣醬包黎食就岩哂。和牛臀肉冇咩脂肪,肉味香濃。牛頸脊肉質腍嫩。紅蝦非常大隻,爽口彈牙,而且夠多膏。 手調飲品我哋就揀咗奶油桃桃烏龍奶茶同火龍果葡萄星空梳打。烏龍奶茶有清甜嘅桃味同,仲有烏龍茶底嘅清香,而且因為加咗奶油,口感非常幼滑。星空梳打就有香甜葡萄味,加埋火龍果粒粒果肉,夠哂清新。 燒鰻魚4件 $148我哋另外仲叫咗餐廳出名嘅鰻魚,餐廳仲好細心有教學教點燒。鰻魚每日新鮮送到,厚肉彈牙之餘外皮燒到甘香脆身,食落一d都唔腥。 M4和牛內裙肉 $68最後仲加咗碟牛內裙肉,肥瘦適中,牛味都幾濃。 。。會長之家烤肉 (長沙灣)長沙灣福榮街506-510號榮發閣地下A1號舖。。