同朋友黎咗呢間銅鑼灣新開嘅樓上日本餐廳，餐廳環境舒適，座位闊落。我哋兩個人叫咗兩款前菜、刺身、幾款串燒同姿燒，無論喺菜式嘅配搭、設計同擺盤上面都見到師傅嘅用心。日落(薯仔) $48呢款個名叫日落嘅前菜其實係非常有特色嘅薯仔沙律，沙律面頭加咗甜蝦乾，中間就收埋咗隻糖心蛋黃，至於底層就有海草，撈埋一齊食，就有唔同口感。而且仲加咗檸檬汁，夠哂開胃。 吞雲吐霧 $68另一款同樣非常有特色嘅小食，用鹹香嘅灸燒cream cheese配搭酥脆嘅炸海苔，夾住一齊食滋味升級，仲帶淡淡炭香。上枱時更加附帶有煙燻效果，非常吸睛。 原條池魚刺身 $168師傅將原條嘅池魚厚切做刺身，擺盤非常精緻，份量兩個人食岩岩好，性價比高。池魚新鮮，肉質爽嫩，味道鮮甜。 我哋另外仲叫咗幾款串燒，分別有：-白燒鰻魚 ($58)：外皮燒得好香身，肉質厚彈冇骨。 -一口牛 ($48)：牛肉腍嫩，肉味香濃，咬落有肉汁。-手羽先 ($30)：雞皮脆得黎，入面嘅雞肉仲keep到好嫩滑。-青椒仔 $22 -豚腩肉 $32 姿燒喜之次 $488壓軸登場嘅有燒原條喜之次，魚皮燒到非常之香脆，將魚油完全鎖住喺魚入面，魚肉嫩滑鮮甜，魚身外面有一層薄薄嘅鹽，食落更加能夠帶出魚嘅鮮味。 。。醉忘魚屋 (銅鑼灣)銅鑼灣登龍街28號永光中心13樓。。
