同朋友黎咗灣仔呢間居酒屋食嘢，佢哋嘅日藉串燒師傅黎自涉谷60年歷史的串燒店，主打各式燒物同串燒，串燒有成18cm長，喺香港都可以食到日本地道風味。前菜青瓜 $30@前菜嘅青瓜香辣爽脆，夠哂開胃。日本產白燒鰻魚 $98白燒鰻魚值得推介，鰻魚肉厚身冇骨，入口外脆內嫩，肉質爽彈，鮮味甘香。燒雞腿肉伴大根蓉及柑橘酢 $88雞腿肉一d都唔乾，肉質嫩滑，配埋面頭嘅蘿蔔蓉同酸酸哋嘅柑橘酢，口感清新。 燒明太子 $70燒原條明太子，味道鹹香，加少少蘿蔔蓉一齊食更加帶出佢嘅鮮味。蘆筍豬肉卷 $43串燒方面就叫咗蘆筍豬肉卷，豬肉片卷住爽脆蘆筍一齊燒，口感豐富。白蔥豬肉卷 $40另一款白蔥豬肉卷，白蔥吸收哂豬嘅油香，加上濃濃蔥香，非常特別。 雜錦天婦羅 $88我哋仲叫咗天婦羅，有齊海蝦、青椒仔、香菇、蓮藕、南瓜同茄子，非常豐富。餐廳仲仲好細心將天婦羅汁整暖，唔會整凍哂d天婦羅。 炭燒牛小排 $138牛小排肉質相當腍嫩，牛味香濃肉汁豐富，食落有陣陣炭香。 鰻魚炒飯 $98最後叫咗個鰻魚炒飯埋尾，炒飯用鐵板上，店員仲會淋上蛋汁形成一層蛋餅，撈埋鰻魚炒飯一齊食，非常有特色。餐廳喺閣樓仲有間12人Party Room房，入面仲有吧枱，而且餐廳逢星期四、五、六仲開到凌晨2點，岩哂成班朋友黎飲酒開party。 。。YAKITORI KOBAKO (灣仔)灣仔汕頭街30號意適樓地舖。。@kobakowanchai。#yakitorikobako #kobako #灣仔 #灣仔美食 #香港串燒 #香港居酒屋
