約咗朋友去食Shabu Shabu，黎咗呢間位於The Forest嘅秘店，叫佢做秘店，因為店鋪位於1樓，要搭lift或者喺商場過條橋先去到。餐廳裝潢貫徹簡約嘅日系風格，天花掛滿和傘。Shabu Shabu有幾個價位，由$298起，我哋就叫咗個黑毛和牛套餐同一個最基本嘅嚴選美國牛肉套餐。最特別嘅係呢到嘅Shabu Shabu係冇限時，想食幾耐都得。 我哋兩個人一個湯底，揀咗壽喜燒湯，湯底本身有d菇菌同蘿蔔做配料，味道鹹鹹哋甜甜哋，岩哂用黎淥牛肉。 黑毛和牛套餐 $598黑毛和牛套餐包咗重點嘅黑毛和牛牛胸腹同無頸肩胛拼盤，黑毛和牛油花分佈平均，輕輕一淥就食得，入口牛香濃郁，口感軟嫩。除咗黑毛和牛，呢個套餐仲可以食到美國肥牛、牛舌、美國牛小排、美國牛板腱、日本豚肉、豚肉腩片等肉類，款式多質素都唔錯 。海鮮選擇都唔少，好似有鮑魚、蝦、蜆、帆立貝、青口、脆鯇魚片等，非常難得見到放題都會有咁多海鮮類供應。不過海鮮類有機會賣哂，想食就要早d到。蔬菜方面除咗一般常見嘅蔬果類同菇菌類，亦都有蟲草花等較高級嘅食材。 嚴選美國牛肉套餐 $298呢款套餐雖然冇得食和牛，但有齊各款美國牛肉、豚肉、海鮮、蔬菜等無限量無限時任食，絕對係性價比之選。除咗火鍋料，呢到都有幾款炸物小食可以免費叫，而且全部即叫即炸，上枱仲係熱辣辣。推介炸雞軟骨同忌廉蟹肉薯餅。雞軟骨炸到脆卜卜非常有口感，加埋外面嘅椒鹽，鹹香惹味。薯餅外脆內軟，蟹肉忌廉夠晒creamy。 飲品方面就只有紙包飲品同可樂。不過如果鍾意飲酒嘅話，可以加$98要埋啤酒、清酒放題，酒類款式都非常豐富。。。天心 (旺角)旺角奶路臣街17號THE FOREST 1樓114號舖。。
