呢間本身開喺中環嘅蛋糕店開咗黎尖沙咀，之前聽講過佢哋嘅芝士蛋糕係用希臘乳酪黎整，夠哂健康，岩哂我呢d又怕肥又想食甜品嘅人。 超級雜莓希臘乳酪芝士蛋糕 (6吋) $588 揀咗呢款用澳洲Superfood天然水果粉配搭希臘乳酪整嘅雜莓芝士蛋糕，入面包含咗士多啤梨、藍莓、黑莓、紅桑子四種莓果嘅精華同營養，入口就食到天然莓果嘅香濃酸甜味。另外因為喺忌廉芝士加入咗希臘乳酪，食落唔會好似平時d芝士蛋糕咁食兩啖就膩咗，食落係非常清新，食一大件都完全唔覺得膩。 如果鍾意食實淨d好似果凍咁嘅口感，就可以雪完之後即刻食。如果等室溫解凍一陣先食嘅話，就會變成軟滑流心嘅質感。 。 。 Lanala (尖沙咀) 尖沙咀彌敦道100號The ONE 4樓L410號舖 。 。
