黎咗呢間喺尖沙咀嘅抵食泰菜，地方闊落舒適，嘢食都幾大份，價錢合理實惠，岩哂幾個人開心share。 火山排骨 $228佢哋嘅招牌菜火山排骨，一上枱見到已經嘩嘩聲，有兩大塊以上成隻手臂咁長嘅排骨，疊起黎夠哂壯觀。排骨有好多肉，而且肉質腍嫩，面頭淋滿秘製嘅泰式辣汁，辣味蒜味十足。 黃咖哩炒大頭蝦 $268叫咗款唔辣嘅黃咖哩炒大頭蝦，咖哩雖然唔辣，但依然非常香，咖哩汁入面除咗有肉質爽彈爆膏嘅開邊大頭蝦，仲有好多唔同嘅蔬菜，好似燈籠椒、洋蔥咁，非常豐富。 飛天椰菜苗 $98平時比較少食到炒椰菜苗，挑戰食非常辣嘅泰式飛天，用咗指天椒碎同蒜茸爆炒，香辣惹味非常過癮，岩哂食得辣嘅朋友。 泰式蛋包炒金邊粉 $118炒金邊粉外邊包咗層蛋皮，再放上原隻大蝦，加上青檸、花生碎等配料，賣相唔錯。金邊粉上色均勻，口感爽彈。 芒果糯米飯 $88食泰國菜當然唔少得叫返個芒果糯米飯做甜品，熱辣辣香甜軟糯嘅糯米飯整得夠出色，加埋爽甜芒果肉同香濃椰漿一齊食簡直係prefect match。 椰青 $52@原個椰香清甜多汁，解辣解渴。。。Milu Thai มิลู่ไทย (尖沙咀)尖沙咀亞士厘道24-38號天星大廈4樓。。
