喺銅鑼灣發現咗呢間隱秘嘅樓上西班牙菜，環境典雅舒適，岩哂週末同friend黎chill吓。紅酒煮西班牙辣肉腸 $88先叫咗個tapas過吓口癮，用紅酒汁煮過嘅西班牙辣肉腸非常入味之餘仲好juicy，除咗辣辣哋好惹味之外，仲有淡淡嘅葡萄酒餘韻。 傳統西班牙烤乳豬(半隻)配慢煮蘋果蓉、些利酒烤豬汁 $238我哋仲叫咗餐廳嘅招牌菜色烤乳豬，半隻分量足夠兩個人share。乳豬皮非常之香脆，豬肉keep到嫩滑juicy。點埋個蘋果醬或者烤肉汁食又別有一番風味。 味噌蟹膏西班牙飯 $228店員推薦嘅其中一款是日精選菜式crab yolk，賣相精美之餘仲好有特色。將吸收咗蟹膏精華嘅西班牙飯釀喺蟹蓋入面，面層再鋪滿幼滑鹹香嘅蟹膏奶蓋，加埋三文魚子，每一啖都係濃郁蟹香。 四重芝士意大利雲吞配辣味蕃茄醬 $168另外仲叫咗份意大利雲吞，餡料係四種香濃軟滑芝士，加埋個辣蕃茄醬，夠哂滋味。 。。SABROSA (銅鑼灣)銅鑼灣銅鑼灣怡和街22號3樓。。
