丼飯一向都係平靚正之選,今日嚟咗呢間喺青衣城入面嘅日式丼飯專門店丼丼屋,佢特別之處在於引入咗好多唔同款式喺日本獲獎嘅丼飯,亦都會定期推出一系列期間限定嘅丼飯,唔洗去日本喺香港就可以食到。牛油粟米北海道十勝豚丼(特盛) $118 [升級定食+$10]今次嚟到當然要食佢最新推出期間限定嘅「牛油粟米北海道十勝豚丼」。用咗北海道名物純天然飼料飼養嘅十勝豚炮製,豚肉片燒到焦香,豚肉肉質腍嫩,一啲都唔榎,脂肪分布平均,肉味香濃之餘仲好入味。燒肉醬汁、十勝豚嘅油脂同滿滿牛油香嘅日本粟米,配搭香甜飽滿嘅宮城縣產特 A 級米,每一啖飯都好滿足。丼飯只需要+$10就可以升級做埋定食,有前菜、麵豉湯、寒天啫喱做甜品,仲有果茶,夠哂豐富抵食。 春之什錦海鮮丼 $108 [優惠定食+$40]朋友就叫咗呢款什錦海鮮刺身丼,飯底同樣用上日本產米,面頭鋪滿6款刺身咁多,有特大赤海蝦、三文魚腩、吞拿魚、三文魚子、鯛魚同燒鰹魚。刺身質素雖然唔算上頂級,但已經算唔錯,最正係爽彈鮮甜嘅特大赤海蝦同厚切肥美嘅三文魚腩。呢款丼飯更加可以+$40配埋優惠定食,除咗前菜、麵豉湯、甜品同果茶,仲跟1隻兵庫縣產湯霜牡蠣。蠔肉飽滿鮮甜,入口爽滑,配埋蔥同辣蘿蔔蓉就更加帶出蠔嘅鮮味。 。。丼丼屋 (青衣城) (青衣)青衣青敬路31-33號青衣城1 2樓212號舖。。@dondonyahk。。#香港美食 #香港日本菜 #dondonyahk #丼丼屋 #牛油粟米北海道十勝豚丼 #香港美食指南 #期間限定 #日式丼飯 #香港探店 #香港美食攻略 #香港必吃