時下興復古,呢間雞煲火鍋店都唔例外,由裝潢擺設,到餐具食具,以至音樂,都完美呈現出香港70/80年代嘅面貌,一邊聽住懷舊金曲一邊打邊爐,就好似時光倒流一樣。招牌無骨鳳翼釀雞煲(細) $278先食雞煲,我哋揀咗餐廳嘅呢款招牌雞煲,辣度可以自己揀,個醬汁加入咗好多唔同種類嘅香料,好香好惹味。呢款雞煲特別嘅地方係用去咗骨嘅雞翼再釀入墨魚滑同蘿蔔等蔬菜條,入口除咗嫩滑雞皮雞肉,更加彈牙同爽脆嘅口感。雞煲入面仲有洋蔥、雞髀菇、筍等配料添。 食完個雞煲就可以叫店員加湯變火鍋。湯底可以揀雞湯或者豬骨湯。我哋揀咗雞湯襯返個雞煲,雞湯鮮甜,用鮮雞熬製,真材實料。龍鳳呈祥牛肉拼盤(細) $338火鍋配料,火鍋配料方面我哋先主打點咗個牛肉拼盤,入面有齊肉質腍嫩牛頸脊、油花均勻雪花肥牛、爽口彈牙牛胸爽、肉味香濃牛肉粒、爽脆牛柏葉同軟嫩牛舌片,非常豐富,啱晒我哋呢啲牛魔王。 鮮鮑魚 $98海鮮方面叫咗鮮鮑魚,雖然只有兩隻,但係大大隻夠新鮮,食落爽口彈牙啖啖肉。即製經典沙嗲牛肉餃(6粒) $78叫沙嗲牛肉餃好少見就叫咗碟,個沙嗲牛肉餡料有驚喜,一咬落去就爆沙嗲汁,沙嗲味好香帶少少辣,同牛肉好夾。龍鳳呈祥[豐盛]雜菜拼盤 $128打邊爐當然唔可以淨係食肉,我哋叫咗個蔬菜拼盤,入面有超多種蔬菜,好似蕃茄、蘿蔔、金菇、黑木耳、娃娃菜,生菜、粟米等等,可以清一清腸胃,夠晒健康。自家製陳年鹹檸七/zero可口可樂 $38要數懷舊飲品,當然唔少得鹹檸七,呢度嘅鹹零七用咗自家製嘅陳年鹹檸,配搭自選嘅汽水底,生津解渴,別有一番風味。 。。龍鳳呈祥火鍋雞煲 (尖沙咀)尖沙咀加拿芬道16號金輝大廈2樓。。