經過K11 Art Mall驚覺開咗間新台菜,文藝氣色十足,除咗各色地道台灣料理,仲有茶飲同甜品供應,當然要座低感受吓台灣正宗古早味。麻吉蚵仔煎配海山醬 $78蚵仔煎整得唔錯,飽滿鮮味嘅蚵仔同嫩滑炒蛋好夾,入面仲加咗類似蒟蒻口感煙韌嘅食材一齊炒,食落口感豐富。三文魚明太子蛋餅 $88另外叫咗份蛋餅,入面卷住煙三文魚、肉鬆同生菜等配料,重點係個明太子醬,鹹香惹味。特製軟殼蟹刈包 $62軟綿刈包夾住半隻酥脆炸軟殼蟹,睇見已經流哂口水,食落唔會好乾,份量剛剛好。 麻吉三小碗(麻吉滷肉飯,墨汁鹽酥雞,蚵仔麵線) $148呢款三小碗可以一次過食哂3樣台灣地道料理,岩哂眼闊肚窄嘅我哋。滷肉飯入面混合咗豬肉碎同豬腩肉粒,令到口感冇咁單調,入口更加香。鹽酥雞包咗墨汁先炸,形成黑色嘅外皮,外酥內嫩。蚵仔麵線都好有台灣特色。草莓/蜜桃沙冰芝士奶蓋 $46身為芝士控嘅我哋,飲品叫咗呢度特色嘅沙冰芝士奶蓋,草莓同蜜桃兩種口味以新鮮水果調製,飲落好fresh。面頭嘅芝士奶蓋香滑順喉,有香濃嘅芝士味,滿滿咁鋪喺沙冰上面,打卡呃like一流。手工鳳梨脆脆酥配抹茶冰淇淋 $78最後當然唔少得食埋甜品,第一款叫咗呢款以鳳梨脆脆、餅碎、肉鬆、鳳梨果肉等為基底,配搭抹茶雪糕嘅甜品。基底食落鹹鹹哋口感香脆,同香甜軟滑嘅雪糕一剛一柔,非常有心思。麻吉芋圓愛玉 $68 另外仲叫咗碗芋圓,入面有超多配料,好似紅豆蓉、雙色芋圓、愛玉、珍珠、芋頭蓉同鳳梨肉咁,非常滿足。芋圓同珍珠口感煙煙韌韌,有咬口得黎唔會好實。 。。麻吉灶咖 (尖沙咀)尖沙咀河內道18號K11購物藝術館B2樓B226 & B227A號舖。。