日日都咁潮濕搞到個人都冇乜心機，即刻去譚仔三哥食碗酸辣米線醒醒神。今期有全新台星代言 三哥酸菜鯛魚米線，一於試試三哥酸菜鯛魚米線(配魚片頭、雞肉) $58呢碗酸菜鯛魚米線，除咗有爽脆嘅鯛魚片，仲有好多款特色配料令到個湯味道層次更加豐富，例如辣香蘿蔔乾、客家粗酸菜、小米泡椒碎等等，食之前先飲一啖個湯底，就feel到每一款配料都為個酸湯增添一份獨特嘅酸香同辣味。本身唔算食得辣，加咗最少嘅10小辣覺得辣度岩岩好。另外揀咗魚片頭同雞肉兩個餸，加埋指天椒圈，蔥花、芽菜，韭菜同腐皮等配料，夠哂豐富。 香烤豬柳(原味) $16冇骨豬柳加咗孜然粉、辣椒粉等多種香辛料去烤，原味款式夠哂焦香惹味，唔會話好辣。豬柳烤到外面焦脆，面頭仲鋪滿脆辣椒花生，香脆可口。椰香奶蓋咖啡 +$13跟米線可以用加配價嗌呢杯椰香奶蓋咖啡，咖啡配上鮮椰子製成嘅幼滑椰香奶蓋，形成一黑一白嘅兩層layer，好有東南亞風味。咖啡味好香濃但一d都唔苦，同香甜椰香奶蓋非常夾，攪埋一層飲又有另一番風味。 。。譚仔三哥米線 (深水埗)深水埗西邨路19號南昌薈地下G19-G22號舖。。@tamjai_samgor#譚仔三哥 #三哥酸菜鯛魚米線 #香烤豬柳 #椰香奶蓋咖啡
