黎咗大角咀搵食，發覺呢間西餐廳嘅set menu都幾豐富，有2-3道菜再加飲品。我哋叫咗兩個set再加咗個甜品都幾飽肚，算係幾抵食。 Seafood Set包咗新鮮生蠔3隻+前菜+主菜+飲品，因為冇哂所以轉咗做香草牛油煮蜆，如果本身想食生蠔就可能要問咗當日仲有冇先喇。不過炒蜆一樣好好食，牛油同香草味好香，大蜆煮得岩岩好，肉質鮮甜嫩滑。另外嘅前菜揀咗海鮮煲，入面除咗大蜆、仲有蝦仁、魷魚、蜆肉等海鮮，用料豐富，重點係個海鮮濃湯，風味濃厚，鮮味十足。 主菜要咗香煎比目魚配蔬菜，比目魚雪白嘅魚身非常嫩滑，魚皮煎得白脆，厚切嘅魚身入口啖啖肉，整得唔錯。以$198嘅價錢黎講算係性價比高。至於Dinner Set就包咗前菜+主菜+飲品。前菜揀咗個帕爾馬火腿沙樂美冷盤，有幾款cold cuts、芝士、沙律菜同麵包，份量十足，兩個人share都夠食。主菜就要咗牛肝菌芝士意大利寬麵，牛肝菌味道香濃，仲有好香黑椒味，寬麵口感彈牙。成個餐$188，亦都係非常抵食。 Italian Tiramisu $68另外叫咗份Tiramisu同朋友兩份分，Tiramisu整得夠滑，中間夾住軟綿嘅手指餅，咖啡味同酒味都好香。Orange Juice & Cranberry Juice跟set嘅飲品除咗咖啡茶汽水等仲可以叫果汁，我同朋友分別叫咗橙汁同蔓越莓汁，雖然唔係鮮榨，但都好好味。 。。The Francesco (大角咀)大角咀大全街47-49號大同新邨大滿樓地鋪。。
