食完飯例牌動作當然係去食甜品,呢間甜姨姨黎過幾次,今次就target佢哋同甄沾記聯乘用椰子糖做嘅甜品。甄沾記嘅椰子糖同雪糕由細食到大,估唔到可以整成綿綿冰同心太軟。甄沾記椰子糖冰 $148用咗甄沾記嘅特濃椰子硬糖整成焦糖椰子糖漿,淋喺綿密細緻嘅刨冰上面,每一啖冰凍甜蜜之餘帶有椰子香。配搭埋甄沾記嘅椰子雪糕、脆脆椰同脆脆米,食落有唔同層次嘅豐富口感。 焦糖椰子心太軟 $128另一款甜品同樣用咗甄沾記嘅特濃椰子硬糖煮成嘅焦糖椰子糖漿做流心,除咗香甜焦糖味,仲有椰子糖原始嘅椰子味。暖笠笠嘅心太軟蛋糕同流心,加上冰凍嘅雪糕,仲有crunchy嘅餅碎 。。甜姨姨私房甜品 (耀華街) (銅鑼灣)銅鑼灣耀華街11號地舖。。