就喺尖東返工嘅朋友，黎咗呢間沃川食晚飯。呢到嘅店員服務態度唔錯，夠細心，亦會介紹當日嘅特別菜式。 前菜 $20@坐底先會上前菜食住先，今日嘅前菜有魷魚沙律，彈牙嘅魷魚仔加上爽脆海草同辣辣哋嘅沙律醬汁，非常開胃。三色飯 $198叫咗個三色魚生飯，有帆立貝、海膽同蟹膏。帆立貝質感水嫩厚實，食落好鮮甜。海膽口感細膩，入口creamy。蟹膏幼滑細緻，味道香濃。將海膽同蟹膏撈埋飯一齊食，夠哂鮮味。 特選花魚生飯 $198另外叫咗呢款花魚生飯，原本有油甘魚、吞拿魚赤身、劍魚同海膽，不過今日劍魚賣哂於是換咗深海池魚。油甘魚肥美油香豐富，池魚爽口彈牙。 味噌廣島蠔野菜鍋 $138除咗刺身，亦都叫咗個蠔鍋暖吓胃。味噌湯底夠濃郁，廣島蠔飽滿肥美，一口咬得去蠔味就爆發出黎，鍋入面仲有各式蔬菜，清新又健康。 我哋仲叫咗下面呢d串燒同燒物：-牛舌串 $38: 爽口彈牙，調味做得唔錯。-燒芝士年糕 $68: 煙韌軟熟嘅年糕，咬開係熱辣辣嘅流心拉芝，芝士控一定唔可以錯過。-雞全翼 $32@：鹹香惹味，肉質嫩滑夠juicy。-柚子鹽燒白鱔 $68: 白鱔皮燒到好香脆，鱔肉口感爽彈冇骨。 菠蘿雪芭 $78最後叫咗個菠蘿雪芭，係用原個菠蘿仔掘開中間嘅肉加入菠蘿汁整成，賣相得意，雪芭食落好清甜。 。。沃川自家料理 (尖沙咀)尖沙咀麼地道75號南洋中心UG5-8號舖。。
