宜幾日天氣特別凍，又係時候打邊爐🤭係尖沙咀就有間位置好方便既方叔叔重慶老火鍋。一坐低就落湯底同qr code 落單，好快d餸就送哂上枱。仲有個前菜糖水送。 鴛鴦麻辣鍋大骨滋補湯唔使加錢就可以試哂2款湯，麻辣鍋聞落好香，勁多辣椒真係食到火辣辣呀，用黎煮肉就岩哂。大骨湯真係有件大骨係入面，味道都幾濃郁。 美國prime牛小排（半份）138美國牛板腱（半份）98嫩牛肉（半份）48黑豚腩肉（半份）48黎打邊爐梗係要食多d肉，值得一讚係宜度大多數既食物都可以選擇要半份，咁就可以食多幾款唔同既食物啦。我地叫左幾款唔同既牛肉同豚肉，特別推薦嫩牛肉，厚切新鮮又嫩滑，份量都唔少。至於prime牛小排就牛脂分佈平均，牛味香濃。 除左肉之外我地仲食左其他食物：唐生菜（半份）18健康必點蔬菜手打魚籽蝦滑（半份）58食落好彈牙新鮮，蝦味十足鮮滑魚麵（半份）38質感相當特別，爽口魚味濃。現炸豆皮（半份）38大大塊浸一浸湯就食得，浸完微脆帶豆香。韭菜豬肉水餃（半份）38大大粒好足料。 紅糖糍粑（半份）38甜品方面我地一開始就落左單跟住好快就送左黎😂趁熱食配埋黃豆粉係唔錯既。飲品方便我地就飲左勁大杯既四天王之一 洛神花鮮橙特飲。味道酸酸甜甜好refreshing。。。方叔叔重慶老火鍋 (太子集團中心)尖沙咀北京道12A號太子集團中心19樓。。
