天氣愈黎愈凍，又係時候打邊爐。想食d特別d既今次我地就睇中左 田中寿司既二人前 冬季限定 名古屋赤味增鍋（588）個餐有齊前菜，味增鍋，壽司，串燒，仲有甜品tim，相當豐富。餐廳好闊落，好岩同朋友同屋企人一齊黎食日式火鍋。首先上枱既係2個前菜，分別係 田中血合，同胡麻豆腐沙律。血合即係用吞拿魚既血同紅肉部分製成，真係好少地方食到，魚既味道非常之濃郁。沙律菜配胡麻醬係黃金組合黎，仲有幾件大大件好滑既豆腐，清新又健康。 之後就到食火鍋既時候喇。個鍋配料好多多到就黎滿瀉，有豚肉，牛腸，雞肉丸，菇，日本年糕，蔥，同腐皮，仲有大量既野菜。味增湯底好香濃，仲可以選擇唔同既辣度。年糕煮到軟綿綿，豚肉煮到好入味，野菜主要係韮菜同黃牙白菜，吸哂個湯既精華，宜3款食物仲係可以添加既，十分抵食。另外自家製既雞肉丸都好彈牙，牛腸有咬口，腐皮都好想encore 可惜冇宜個option。 食緊熱辣辣既火鍋既時候仲有 本鮪三本盛 同 4串串燒。宜間餐廳出名食吞拿魚，宜個壽司就有齊 赤身，中拖羅同大拖羅，一次過食到唔同口感質感油脂既鮪魚。 串燒有雞軟骨，芝士煙肉秋葵，黑豚大蔥同香菇。睇波個樣就知燒得好靚。 食完火鍋到最尾店員仲會拎白飯，生雞蛋同芝士黎。原來可以用剩低既湯底煮個炊飯出黎，個飯我同朋友都覺得好好味呀😍 唔好唔記得仲有個甜品，係紅豆鯛魚燒，外面燒到好脆身，入面既紅豆蓉軟綿綿，食完就結束滿足既一餐。 。。田中寿司荃灣楊屋道1號荃新天地一期UG樓37號舖。。
