荃灣既海之戀商場開左好多未食過既餐廳，今日就同朋友黎到宜間好多人既Peko Peko。蘑菇cappuccino 58個樣真係成杯cappuccino 咁，上面仲有奶泡，蘑菇湯質感濃郁，仲可以配一塊香脆既蒜蓉包黎食。 蟹肉牛油果船98用足成個牛油果，上面舖左蟹籽，鮮蟹肉，大量黑白芝麻同沙律醬，仲伴有沙律菜。碟上面既雜果仁就可以食牛油果時撈黎食，增加口感。係一個開胃得黎好健康又特別既沙律。 扇貝，明太子意大利麵158個意大利麵真係粉紅色😂質感好al dente。個sauce勁creamy，除左有燒得好靚既帶子仲有幾塊好彈牙既鮮魷魚，同香甜既三文魚籽，個份量都幾大碟，相當飽肚。 烤乳豬捲248宜間餐廳既signature 菜之一，有兩塊大大塊既乳豬捲。乳豬肉肉質細嫩，出面既皮燒到香脆，中間有一層好滑既脂肪，肉中間仲捲住一d肉碎，口感好豐富，配埋特製既醬汁更惹味。伴碟仲有香滑既薯蓉，同幾款烤田園蔬菜。 。。Peko Peko Eatery (海之戀商場)荃灣大河道100號海之戀商場1樓1006-1007號舖。。
