之前黎過GoodDay BadDay覺得相當唔錯，最近原來佢地出左新menu，一於約埋幾個朋友一齊再去過。餐廳最近加左好多萬聖節既裝飾，勁有氣氛呀。宜度既菜色名一向都勁有創意，一路睇一路笑😂古法烤黑毛豬（西班牙豪華豚） 268宜個必食呀，塊豬勁厚切。雖然唔知實際係點古法烤，但食落燒得好香口，出面係微焦，入面肉質好軟稔，咬落啖啖肉都充滿油香。 點解個個都叫軟殼蟹比薩架？138係薄批pizza黎，有千島醬，蟹柳同菠蘿，味道酸酸甜甜，軟殼蟹大大隻又香脆。 蜜汁香茅豬頸肉136美利堅合眾國草飼牛扒168雖然係放係salad個category入面，宜2款除左有沙律菜之外仲有勁多肉呀，岩哂我同朋友宜d食肉獸。牛扒燒到7成，一睇就知燒得好靚。豬頸肉portion勁大，相當抵食。咬落好有口感又勁惹味。宜2款“沙律”同黑毛豬除左肉同沙律菜之外仲有一小杯芝麻醬烏冬同勁大塊蝦片，應有儘有。 濕。西炒飯125亂咁落單原來係有鰻魚既西炒飯黎😂鰻魚肉大大塊又好厚身，食落係冇骨既。 73.5%朱古力最好味 48非一般一般檸檬果皮烏龍茶沙冰 56O~Lam一lam浸一浸 Reeo沙冰 56無得你揀呀嗱（Frappe）68宜度既飲品選擇都相當多，選擇困難症既我地表示辛苦。朱古力唔知足唔足73.5%不過係幾好味。想冇咁飽肚既就可以飲好refreshing 既沙冰。勇敢既朋友選擇左俾barista發板，竟然好好彩係勁靚又勁大杯既士多啤梨沙冰呀。 茫茫人海遇見你既途中夾雜住又酸又甜68綠野仙蹤68朋友表示一定要叫宜款個名好長抄到我好辛苦既甜品。好在上枱見個賣相相當靚。一款係芒果味雪芭，真係酸酸甜甜，另一款係綠茶味，茶咪濃郁偏苦。底下塊cookie好脆。 推薦宜間咁有玩味又好食既餐廳俾大家，岩哂同屋企人同朋友黎開心share😂。。GoodDay BadDay尖沙咀加連威老道27-27A號嘉榮大廈地下及1樓。。
