棉登徑一帶向來係日本料理嘅集中地，有好多間有人氣又高質素嘅日本餐廳，今次就黎咗呢間嵐山。鯛魚薄切沙律 $108先黎個魚生沙律，爽甜嘅鯛魚薄片，加上大量三文魚子同蟹子，夾埋清爽沙律菜同柚子醋汁，食落酸酸地好開胃。 我哋叫咗三款刺身，款款都好新鮮。大大隻嘅日本牡丹蝦 ($148)，蝦膏甘香鮮味，晶瑩剔透嘅蝦身非常鮮甜，完全冇腥臭味。赤身($98)厚切，肉質實淨。三文魚腩($58)非常肥美，充滿油香。 至於壽司方面，同樣新鮮。鮮八爪魚($28)口感爽彈；帆立($38)肉質水嫩豐盈；喜知次($88)作為頂級魚王入口嫩滑油脂豐富；三文魚子($38)一啖咬落去鮮味就喺口入面爆開；油甘魚($30)肥美；炸蒜拖羅魚蓉($48)入口細滑，有好香濃蒜味。 另外我哋亦都點咗三款串燒，質素都唔錯。薩摩赤雞腿肉($34)肉質嫩滑，面頭有香濃嘅明太子醬；厚牛舌($52)肉質爽嫩，牛味香濃；鹿兒島黑豚五花腩($38)燒得甘香。 黑松露帶子炒飯 $138炒飯好香黑松露味，炒得乾身，米飯粒粒分明，仲有粒粒帶子肉。 。。嵐山日本料理 (尖沙咀)尖沙咀棉登徑11號地舖。。
