呢間充滿藝術氣息嘅餐廳，裝潢時尚典雅，店入面擺滿好似村上隆、KAWS、草間彌生等嘅藝術品，嘢食擺碟都好似藝術品一樣，就好似置藝術館入面。而餐廳仲有一款藝術打印飲品，可以將客人揀嘅相片印喺咖啡/朱古力面頭，打卡呃like一流。夢幻早餐 $148呢款All Day Breakfast用料非常豐富，有黑松露炒蛋、巴馬火腿、香腸、煙三文魚、煙肉、烤菠蘿、大啡菇同雜果蔬菜沙律。沙律加咗果醬，味道酸酸甜甜，非常開胃。香濃黑松露醬配上嫩滑炒蛋同水嫩大啡菇，味道層次豐富。 波士頓龍蝦意粉 $228意粉擺盤精美，波士頓龍蝦肉質爽彈，食落啖啖肉。扁意粉煮得岩岩好，口感彈牙，龍蝦汁味道香濃。 Tiramisu $68呢到嘅tiramisu水準唔錯，濃郁嘅咖啡味帶少少酒香，配上香濃朱古力粉，mascarpone cheese口感幼滑細緻，但食落又唔會覺得好膩。 藝術打印朱古力 $88可以將自己電話入面值得留念嘅相send俾店員打印喺飲品上面，亦可以揀餐廳提供嘅藝術圖案，靚到簡直唔捨得飲。飲品可以揀咖啡或者朱古力，我哋就揀咗朱古力，飲落好香好滑。丸久小山元抹茶拿鐵 $49另外叫咗杯抹茶latte，抹茶味好香濃，茶香奶滑，口感細膩，上面仲有好靚嘅拉花添。 。。CURATOR Art & Café (尖沙咀)尖沙咀梳士巴利道18號Victoria Dockside K11 Musea B1樓B113C號舖。。
