位於旺角中心，呢間GOGO Rock非常方便就腳，環境闊落舒適。餐廳除咗供應西餐，亦都有個蠔吧，如果鍾意食蠔就岩哂。我哋叫咗4隻生蠔同兩個套餐，套餐包咗沙律、湯、主菜、飲品同甜品，夠哂豐富，而且仲有二人優惠只需要$398，非常抵食。 生蠔 N1 $52/隻 N2 $58/隻呢到嘅生蠔種類都唔少，每日都會有6至8款N1/N2生蠔供應，第7隻起仲有半價添。 我哋揀咗下面呢4款，味道由較淡到較濃，隻隻都肥美飽滿、新鮮爽甜，肉質嫩滑creamy，蠔味濃郁，齒頰留香，令人回味無窮。-法國Royal-澳洲Booner Bay-法國Mont Blanc-法國 St. Martin 泰式香茅錫紙大蝦焗魚柳 $180大大隻爽彈嘅大蝦同嫩滑啖啖肉嘅魚柳用錫紙包住黎焗，因為加入咗青檸汁、香茅、辣椒等泰式香料，一打開錫紙就已經清香撲鼻，大蝦同魚柳吸收哂泰式香料嘅味道。 炭燒肉眼扒拼三文魚 $288另外一款主菜就叫咗肉眼扒拼三文魚，岩哂我呢d食肉獸。肉眼火候控制得唔錯，外邊燒到焦香，肉質腍嫩，肉味香濃之餘仲有陣陣炭香。至於三文魚，唔會煎得太乾身，口感嫩滑，食落仲有魚油滲出黎，夠哂juicy。 甜品嘅款式會經常轉換，今日就係蜂蜜蛋糕。。。GOGO Rock (旺角)旺角砵蘭街180號地下A號舖。。
